ဒလတံတားသတင်း

14.2.2026

ရန်ကုန်-ဒလမြစ်ကူးတံတားဖြတ်သန်းခွင့်ကို မနက် ၄ နာရီမှ ည ၁၀နာရီအထိ အချိန်တိုးမြှင့်

မြန်မာ – ကိုရီးယား ချစ်ကြည်ရေးတံတားဖြတ်သန်းခွင့်ကို အချိန်ထပ်တိုးပေးလိုက်ကြောင်း ဆောက်လုပ်ရေးဝန်ကြီးဌာနမှ သိရသည်။

အဆိုပါတံတားဖွင့်ကာစတွင် မနက် ၆ နာရီမှ ည ၈ နာရီအထိ ဖြတ်သန်းခွင့်ပြုထားပြီး ယခုအခါဖေဖော်ဝါရီ ၁၂ ရက်မှစတင်ကာ မနက် ၄ နာရီမှ ည ၁၀ နာရီအထိ အချိန်တိုးမြှင့်လိုက်ကြောင်း သိရသည်။

ထို့ပြင် တံတားဖြတ်သန်းခကိုလည်း ယနေ့တွင် စတင်ကောက်ခံနေပြီး ဖြတ်သန်းအသုံးပြုသူများခြင်းကြောင့် တံတားပေါ်တွင် ယာဉ်ကြောပိတ်ဆို့သည်အထိ ဖြစ်ပွားခဲ့သည်။

အဆိုပါတံတားကို ဖေဖော်ဝါရီ ၆ ရက်နံနက်ပိုင်းက နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ကိုယ်တိုင် တက်ရောက်ဖွင့်လှစ်ပေးခဲ့ခြင်းဖြစ်သည်။